रामएकवाल राम कतार , दोहा ।सिराहा सेवा समाज कतारले बृहत् रक्तदान कार्यक्रमको आयोजना गर्ने भएको छ । समाजको १९ औ वार्षिक उत्सवको अवसरमा नेपाली रक्तदाता संघ, कतारको समन्वयमा कतारको सरकारी हमद अस्पतालसँगको सहकार्यमा रक्तदान कार्यक्रमको आयोजना गर्न लागेको समाजका अध्यक्ष जयप्रकाश यादवले जानकारी गराए। “रक्तदान, जीवनदान भन्ने मूल नारालाई अंगीकार गर्दै समाजले अगामी डिसेम्बर १२ तारिक शुक्रबारका दिन रक्तदान कार्यक्रम सम्पन्न गर्ने गरी तयारीलाई तीव्रता दिएको अध्यक्ष यादवले जनाएको छ । आफूले पनि रक्तदान गरौं, अरूलाई पनि रक्तदान गर्न प्रेरित गरौं भन्ने समाजको लक्ष्य रहेको वताएको छ। बिहान ८ बजेबाट सुरु हुने कार्यक्रममा उपस्थित भइ एक पिन्ट रगत दान गरी पुण्य कमाउन सबैमा आग्रह गर्दै समाजले पहिलो पटक रक्तदान कार्यक्रमको आयोजना गर्न लागेको बताउँदै अध्यक्ष यादवले कतारमा स्थापित वैचारिक संगठनका प्रमुख तथा प्रतिनिधि, सामुदायिक, सामाजिक, सांगीतिक संस्थाका प्रमुख तथा प्रतिनिधि, पत्रकार, कलाकारहरू सहित सम्पूर्ण नेपालीहरूलाई रक्तदानमा सरिक हुन् समाजले आग्रह गरेको छ।
अहिलेसम्म कुनै प्रतिक्रिया छैन। पहिलो प्रतिक्रिया दिनुहोस्।
तपाईंको प्रतिक्रिया लेख्नुहोस्